科索沃
逐擺對全球的旅途
轉來你身邊
對飛機頂的窗仔
看著你青翠的草埔
雄雄感覺我的靈魂佮宇宙結做伙
每一項物件有伊歸屬的所在
你對我展開雙手
若像安慰對異鄉的冬天
轉來的我，
你的日頭光比任何所在
閣較光
喔，你的空氣外清涼，外光
我閣予你的鼻覺掠著
即呢特別，即呢勇壯
醉佇你的土頂
完全予你的魔力征服
你共我攬住住
我屈服佇你的愛
你的溫暖，我親愛的你摸著科索沃
充滿所有的空虛，溶去我的悲傷
同胞的聲音
是我耳孔邊的音樂
當我行佇你的土地
鳥隻開始唱歌
每擺我看著黃昏的日頭
消失佇你的山脈
火燒雲提醒我幾世紀來
流的血
你猶原像畢卡索的圖
遐呢活潑閣媠
你奧妙神秘，我的科索沃，我的國家，我的靈魂
你彎身毋閣毋捌跋倒