無罪的手掌

予兇惡的鐵線貫規串

規群跪佇岸壁邊

集體槍殺後

像一條染血的金珮鍊

跋落深冷的海底

誰會當閣找轉來？

回收是一種反省

毋反省會當回收嗎？

政治犯是白色恐怖時代的畚圾？

台灣一群人予當做畚圾擲捨的歷史

咱有徹底反省無？

真正有回收嗎？

虔敬對待畚圾

才會當提煉黃金

咱的胸崁有外濟真純的黃金

家己知影重量嗎？

咱攏一直活佇鍍金的虛假中？