毋知底時

彼叢菊

佇風中

搖幾擺了後

葉頂露水親像散落的珍珠

 

第一日

菊已經結蕾

 

第二日

一個搞怪囡仔

憨憨臆看菊仔

會開紅花

或是白花

 

第三日

一束紅菊

插佇

結婚禮堂的

花瓶裡

這瞑

新郎新娘的一切

伊攏知影

 

第四日

胸前別小菊花的

婦人

定定照鏡看家己的身影

自認為真嫷

但是伊的翁婿

規瞑攏無轉來

 

第五日

公園內

久嗽的老人

泡一壺燒菊茶

開始等候

老朋友佇約束的時間來

 

期待的心情

掛念佇

四界貓貓看的眼神內

 

老人

不時飲彼甌

漸漸

冷去的菊茶

陣陣

傳來

咳嗽的聲音

 

第六日

天氣晴朗

找無菊花任何消息

 

第七日

棺木頂跋落

一蕾白菊

送葬的列隊

將伊踏散佇

路中央